نشرت الاعلامية اللبنانية ديما صادق على حسابها على موقع اكس، ردّاً عنيفاً على حملةالتخوين التي تعرّضت لها على مواقع التواصل.
وقالت صادق في تغريدة على موقع أكس، “فشرتو! شوفو. سكتت كتير كتير لان اطفال غزة اولوية بما لا يقاس. ولكن طفح الكيل و لكل شيء حدود. هذا التخوين و هدر الدم وهذا الكفر لن اسكت عنه.
وأضافت، نحنا عملا ؟ طيب ما زال الامور وصلت لهون ، مش انا اللي اعطيت حدودنا و نفطنا للاسرائيلي. مش انا اللي طلعت العميل عامر فاخوري. مش انا اللي قلت بدو يبلش الحديث بترسيم الحدود البرية مع الاسرائيلي. العملاء هني اللي اعطوا نفطنا وارضنا الاسرائيلي ، مش اللي اعترضو ع هل شي.
وتوجّهت الى الحساب الذي نشر صورتها مع نجمة داوود، “على هذه الصفحة اللي انتو ساكنين فيها ليل نهار على نفس هل صفحة في عشرات التويتات اللي بتندد باعطاء نفطنا لاسراييل، في عشرات التويتات اللي بترفض تسليم العملاء لاميركا. بس اعور الدجال ما بشوف الا بعين وحدة. ما شايفين على هل صفحة الا صورتي مع السفيرة الاميركية؟ ممتاز .
واكملت التغريدة، انا بقول علنا للسفيرة والادارة الاميريكية ان سياستها سياسة اجرام وادينها علنا، بدليل صارخ على انه نحن ما منتبع لحدا، حضراتكم بتقدرو تفتحو تمكن بحرف ، حرف واحد ينتقد مش يدين ، مجرد ينتقد سياسة حزب الله او ايران؟ بخصوص الترسيم؟ بخصوص فاخوري؟ بخصوص وعود لم ينفذوها؟ مين بكون العميل ، التابع الراضخ اللي بيتبع عل عمياني؟ او اللي بدين كل الاطراف ، حتى لو كان على علاقة جيدة معهم ؟؟؟؟
وختمت ديما قائلة، لن اسكت على هدر الدم ، نعم فلسطين اولوية لكنها ليست حجة لترهيبنا.خسئتم!
